الشيخ الفلاني وبائعة الجبنة
* احمد محمد النعيمات
هذا في شيخ عشيره بطلع يومياً بالباص الوحيد الي
موجود بالقريه ودائما الكرسي اللي بالصدر محجوز لهذا الشيخ .. و لما يوصل الباص للمنطقة اللي فيها الشيخ يلاقوه بالإنتظار و يطلع معهم ..
و في وحده بهالقرية بتبيع جبنه إسمها نوريه راقبت الشيخ وقررت يوم من اﻷيام تقعد بمكانه بالكرسي اللي بالصدر ..
وبالفعل قعدت مكان الشيخ والناس خجلوا و حكولها تترك الكرسي لانه هي مَرَه ( امرأه ) ...
و لما وصلوا لمكان الشيخ نظر لـــ نوريه و ما حكى معها لأن الشيخ اصيل و إبن اجواد و طلع الشيخ بالكرسي اللي ورا نوريه
وبالطريق .. التفتت نوريه للشيخ بإستهزاء و قالت : ... ها .. الشيخ اليوم قاعد وراي ... فــ جاوبها الشيخ و قال : شوفي يا نوريه انا بقعد بالصدر .. بالصندوق .. فوق الباص .. الناس كلها بتعرفني الشيخ فلان ، بس إنتي وين ما تقعدي بتظلي نوريه أم الجبنه ....
رباط سالفتنا ....
تغير نسبك ، تلبس عقال ، تلبس عمامه ، تلبس عبايه ، تكتب الشيخ الفلاني ،،، السيد الفلاني ،،، المهندس الفلاني ،،، تقعد بصدر الديوان تطلع بسيارة .. بتظل انت فلان الفلاني !!!!!!!
لانه الناس بتعرفك و بتعرف اصلك ...
و سلامتكوا
تعليقات
إرسال تعليق