وفاة الشاب نذير بعد معاناة مع المرض وانضم الى اخوته الذين سبقوه بذات المرض

#الاشرفية || في رحمة الله

 غيب الموت اليوم المرحوم باذن الله الشاب نذير عمر ذيابات بعد رحلة معاناة طويلة مع المرض ، حيث تم موارة الجثمان ظهر اليوم في مقبرة الاشرفية . وفي كلماته الاخيره قبل رحيله رحمه الله كتب الاتي هي الوصيه والنداء الاخير من عبدالله الفقير نذير ذيابات 👇 بسم الله الرحمن الرحيم اليوم زارني بالمستشفى ناس من قريتنا الاشرفيه ..والله عمري ما شفتهم وهمه كمان ما بعرفوني .. عرفوني بفترة مرضي دفعهم نبل اخلاقهم وانسانيتهم والله العظيم لمى فاتوا حسيت الحياه دبت باطرافي ونفسي تحسن وارتفعت معنوياتي وهمه يحكوا معي ويمازحوني ..وانا اقول بحالي شو جابرهم يقطعوا كل هالمسافه عشان واحد ما بعرفوه ... ..لمى طلعوا بقول لاخوي اياد وكان واقف قبالي على شباك مطل على مساحه كبيره من عمان شو مجبرهم وليش متعبين حالهم وجايين كل هالمسافه يزوروا واحد ما سبق وعرفوه ولا عرفهم ؟ جاوبني اخوي جواب قشعر بدني والله قال شايف عمان كلها خيوه بمبانيها ومسؤوليها ومتنفذيها كلها ما قدرت تحملك ..وحملوك اهلك ..هذول همه اهلنا ..والميت خيوه بشيله اهله .. ..والله يا اهلي وعزوتي اني بعد وقفتكوا معي بطلت افكر بالموت ومش خايف منه ..لاني عارف اذا الله كاتب تنتهي رحلتي بالحياه بكير أنه رح انحمل على أكتاف اهلي وعزوتي أبناء قريتي الاوفياء ...يمكن اشعر بالحزن أنه رح يتحضني تراب الوطن الي رغم صغر سني إلا أني حبيته لاني ببساطه ما عرفت وطن غيره صح ما حن علي وانا على أرضه وتحت سماه ولكني متيقن أن الله راحمي وسيحنن علي تراب الارض تحت ثراه ...رح احزن على امي الي كان نفسي اطيب واعيش عشان اشوف الفرحه بعيونها ولو لمره واحده ..من لمى وعيت على الدنيا والحزن معبي قلبها والدمعه ما نشفت من عيونها ...ما بتلحق تنسى ابن الا وآخر يصارع الموت... ...بعرف انه بكره عاملين حملة تبرعات عشاني وهذا الشي رفع معنوياتي والله كثيررر واحياء عندي الامل ..والامل بالله عمره ما انقطع ..مع اني كنت رافض الفكره رفضتها لاني مواطن اردني مثل ما علي واجبات تجاه الوطن الي حقوق كمواطن وكانسان واجب الدوله تعالجني على نفقتها ..وخاصه أنه سبقني الى هذا الابتلاء اربعه من اخواني .. لكن كما يقال لايرد الكريم عن كرمه وان كان ولا بد فاعلين جزاكم الله خيرا فاني اوصي اهلي واعلنها أمامكم إن لم يكتب لي الشفاء فاي مبلغ تم التبرع فيه لعلاجي فاني أوقفه لله باسم إن كرمتموني طبعا ((باسم صندوق نذير للعمل الإنساني )) تحت إشراف لجنه من اهل بلدتنا الكرام وكلكم والله كرام ....نعم كرام لانكم اهل قريتي الي هبيتوا برجالكم ونسائكم وشبابكم للوقوف معي ومع امي واخواني بمحنتنا وكل لواء الكوره اهل وعزوه والله اللهم اني قد بلغت اللهم فاشهد ..اخوكم وابنكم العبد الفقير لرحمة ربه "نذير عمر " ابن الاشرفيه وابن لواء الكوره الاشم ..وإني اشهد ان لا اله الا الله وان محمدا رسول الله⁦☝️⁩









تابعونا على تلغرام
https://t.me/joinchat/AAAAAFXaSypttT_RVxnQlA
تذكير من نحن || يسر صفحة الكورة نيوز "صحفيون وإعلاميون" التواصل معكم ونشر ما هو مفيد لجهة صالح مجتمعاتنا ، وهي صفحة تعنى بالاخبار الاردنية على كافة الصُعد ، من منطلق اثراء الصحافة المهنية واعطاءها دورها في تطوير المجتمعات ، حيث ننشر اخبارنا من خلال الانستغرام والواتساب والبلوغر والفيسبوك والتويتر ، بهدف الوصول الى جميع اصدقاءنا ومتابعينا في كافة ارجاء المعمورة ، واننا اخذنا عهدا على انفسنا كأسرة تحرير الكورة نيوز ، ان نكون على مسافة واحدة من الجميع فيما يتصل بنشر كل الاخبار والتحقيقات الصحفية والصور والقصص الاخبارية ، الى جانب التزامنا بنشر أي مادة تصلنا تتفق مع سياسة النشر المعمول بها ، من باب دعم الكفاءات المحلية والمبادرين والمبدعين والمخترعين والشباب المتميزين ،  
لمراسلتنا على الخاص او الواتساب 0772062226